Cyfleoedd hyfforddi yn MAC

Mae gan Media Academy Cymru bedwar cyfle hyfforddi newydd cyffrous i bobl ifanc 16-25 oed gan ddechrau ddiwedd Ionawr 2023.

Mae gwneud cais am gwrs MAC on Track yn syml. Gall myfyrwyr naill ai gofrestru drwy ddilyn y dolenni perthnasol isod, neu gallant gysylltu â Sarah yn uniongyrchol: sarah@mediaacademycymru.wales (07738153357).

Gwybodaeth Allweddol

  • Mae ein holl gyrsiau AM DDIM
  • Mae cyrsiau hyfforddi ar gael i bobl ifanc 16-25 oed
  • Mae myfyrwyr yn mynychu 3.5 – 4 diwrnod yr wythnos 9am-4pm
  • Nid oes angen unrhyw brofiad neu gymwysterau blaenorol
  • Lleoliad: Rhodfa Columbus, Caerdydd, dim ond 10 munud ar droed o orsaf drenau Caerdydd Canolog / Campws y Barri ar gyfer Ffotograffiaeth Ddigidol
  • Dyddiad cychwyn Ionawr/Chwefror 2023
  • Dyddiad gorffen: Gorffennaf 2023

Y Cyrsiau sy’n cael eu Cynnig

  1. Ffotograffiaeth Ddigidol (BTEC Lefel 1) Campws y Barri – MAC on Track – Ffotograffiaeth Ddigidol – Coleg Caerdydd a’r Fro (cavc.ac.uk)
  2. Gwneud Ffilmiau Dogfen (BTEC Lefel 2) Caerdydd – Bydd y cwrs hwn yn cael ei addysgu gan y gwneuthurwr ffilmiau dogfen arobryn, Jay Bedwani – MAC on Track – Gwneud Ffilmiau Dogfennol – Coleg Caerdydd a’r Fro (cavc.ac.uk)
  3. Dylunio Gêm (BTEC Lefel 1) Caerdydd – Mac on Track – Cyflwyniad i Ddylunio Gêm – Coleg Caerdydd a’r Fro (cavc.ac.uk)
  4. Celf a Dylunio (BTEC Lefel 1) Caerdydd – MAC on Track – Cyflwyniad i Gelf a Dylunio – Coleg Caerdydd a’r Fro (cavc.ac.uk)

Pam Dewis MAC?

  • Mae myfyrwyr yn astudio ym Mhencadlys MAC, yn hytrach na champws mawr canol y ddinas, sy’n well gan lawer o fyfyrwyr.
  • Mae’r amgylchedd dysgu yn hamddenol, yn feithringar ac yn gynhwysol.
  • Mae MAC yn blaenoriaethu lles myfyrwyr
  • Mae maint y dosbarthiadau yn fach (uchafswm o 16 myfyriwr)
  • Mae MAC yn croesawu’n arbennig geisiadau gan fyfyrwyr nad ydynt wedi gallu cael mynediad at gyfleoedd tebyg mewn mannau eraill, sydd mewn perygl o gael eu hallgáu’n gymdeithasol, ac nad ydynt mewn addysg, hyfforddiant na chyflogaeth.
  • Pwynt gwerthu unigryw arall i MAC yw bod ganddynt arbenigwyr yn y diwydiant yn addysgu ar y cyrsiau a’u bod yn datblygu llwybrau i’r diwydiannau creadigol. Felly, bydd myfyrwyr sy’n cwblhau cyrsiau yn cael cymorth i symud ymlaen i addysg bellach neu fyd gwaith.
  • Mae’r myfyrwyr nid yn unig yn ennill cymwysterau BTEC ond, yn bwysicach fyth, maent yn cynhyrchu portffolios o waith y gallant eu defnyddio i ddangos eu sgiliau a’u potensial i gyflogwyr a/neu golegau/prifysgolion y dyfodol. Mae myfyrwyr hefyd yn dysgu sgiliau ymarferol a chreadigol perthnasol.

Dywed rhai o’r myfyrwyr sydd eisoes yn cael hyfforddiant drwy MAC:

“Rwyf wrth fy modd â’r ffaith bod ein tiwtoriaid yn arbenigwyr ac yn addysgu o’u profiad uniongyrchol”

“Oni bai am MAC, byddwn wedi gorfod gohirio fy astudiaethau. Mae’n well gen i fod mewn lle llai i ffwrdd o’r prysurdeb.”

“Rwyf wedi dysgu llawer yn MAC ac mae fy hyder wedi cynyddu’n arw. Mae wastad rhywun i siarad ag ef ac mae pawb yn gyfeillgar iawn. Rwyf wrth fy modd yma.”

Cyfleoedd hyfforddi yn MAC

Lorem ipsum dolor sit amet, elit adipiscing consectetur. Donec id porta est.

Lorem ipsum dolor sit amet

October 2024