Melanie Ryan

Melanie Ryan yw Prif Swyddog Gweithredol/Rheolwr Datblygu ar y Cyd Youth Cymru. Mae’r sefydliad gwaith ieuenctid cenedlaethol hwn wedi bod yn darparu ac yn cefnogi gwaith ieuenctid yng Nghymru ers dros 85 mlynedd. Mae Melanie wedi gweithio gyda Youth Cymru am y 13 mlynedd diwethaf mewn gwahanol swyddi, gan gynnwys fel Rheolwr Datblygu, ac mae wedi bod yn ei rôl bresennol ers pum mlynedd. Fel y Prif Swyddog Gweithredol, mae Melanie yn gweithio gyda thîm o arbenigwyr i gynllunio, cefnogi a hwyluso prosiectau, gweithdai a gweithgareddau i bobl ifanc, gweithwyr ieuenctid, a sefydliadau ieuenctid.

Fel Prif Swyddog Gweithredol, mae Melanie yn gweithio’n strategol i sicrhau bod strategaeth Youth Cymru yn darparu cyfleoedd gwaith ieuenctid arloesol. Mae’n cydweithio â phobl ifanc, aelodau, partneriaid a rhanddeiliaid i gyflawni nodau’r elusen yn y dyfodol er budd pobl ifanc ledled Cymru.

Mae Melanie wedi bod yn y sector gwaith ieuenctid ac addysg ers 30 mlynedd, yn gweithio mewn amgylcheddau amrywiol, gan gynnwys gwaith ieuenctid statudol a gwirfoddol, hyfforddiant, siopau gwybodaeth, ac ysgolion bro. Ei nod erioed fu darparu cyfleoedd i bobl ifanc ffynnu a theimlo eu bod wedi’u grymuso i gyflawni eu nodau a’u breuddwydion.

Mae Melanie wedi cyflawni ei diploma ôl-raddedig mewn gwaith ieuenctid ac wedi elwa o fynychu Rhaglen Arwain a Rheoli Gwaith Ieuenctid. Yn ddiweddar daeth yn Gydymaith yr Academi Genedlaethol ar gyfer Arweinyddiaeth Addysgol (Academi Arweinyddiaeth). Mae hi’n edrych ymlaen at ddarganfod mwy o gyfleoedd trwy weithio ar y cyd â chydweithwyr gwaith ieuenctid ac arweinwyr addysgol i ddatblygu arweinyddiaeth, dysgu, a chyfleoedd datblygu gwaith ieuenctid pellach yng Nghymru.

Yn ei bywyd personol, mae Melanie yn mwynhau treulio amser gyda ffrindiau a theulu. Mae hi wrth ei bodd yn teithio yn ei fan wersylla ac wedi darganfod ei hangerdd am badlfyrddio ar afonydd, llynnoedd, a’r môr ym Mae hyfryd Oxwich.