Amdanom ni
Mae Youth Cymru yn elusen ddatblygu ieuenctid genedlaethol sy’n cefnogi pobl ifanc a’r sefydliadau sy’n gweithio gyda nhw ledled Cymru. Rydym yn darparu rhaglenni arloesol, dysgu achrededig, hyfforddiant, mentora a gweithgareddau dan arweiniad pobl ifanc sy’n helpu pobl ifanc i feithrin sgiliau, hyder a llesiant. Rydym hefyd yn cynnig cymorth arbenigol i sefydliadau, gan gynnwys gwerthuso annibynnol, mesur effaith, ymgynghori a monitro rhaglenni. Wedi’n harwain gan gydgynhyrchu ac arfer sy’n seiliedig ar dystiolaeth, rydym yn sicrhau bod lleisiau pobl ifanc yn siapio newid ystyrlon a chynaliadwy. Mae ein gwaith yn cryfhau gwasanaethau ledled Cymru ac yn creu cyfleoedd i bobl ifanc ddysgu, datblygu a ffynnu.
Cysylltu Pobl Ifanc am Fwy na 90 Mlynedd
Mae Youth Cymru yn un o elusennau gwaith ieuenctid hynaf Cymru, wedi cefnogi pobl ifanc a’r sector ieuenctid ers dros 90 mlynedd. Tan 7 Mehefin 2003, roeddem yn cael ein hadnabod fel Cymdeithas Clwb Ieuenctid Cymru (WAYC), gyda’n gwreiddiau’n ymestyn yn ôl i Ffederasiwn Clwb Merched Caerdydd a’r Cylch, a sefydlwyd yn 1934. Heddiw, rydym yn parhau â’r etifeddiaeth falch hon drwy gefnogi llais y bobl ifanc, cryfhau gwasanaethau ieuenctid a chreu cyfleoedd sy’n helpu pobl ifanc ledled Cymru i ddysgu, datblygu a ffynnu.
Cefnogaeth sy’n Gwneud Gwahaniaeth
Mae hawliau a chyfranogiad pobl ifanc wrth wraidd ein gwaith. Rydym yn hyrwyddo cydraddoldeb ac yn herio gwahaniaethu, gan greu llefydd lle caiff pobl ifanc eu clywed, eu gwerthfawrogi ac y gallant fod yn wirioneddol nhw eu hunain. Trwy ein rhaglenni a’n cefnogaeth i’r sector ehangach, rydym yn meithrin arfer sy’n canolbwyntio ar bobl ifanc ac sy’n cydnabod ac yn parchu hunaniaethau, profiadau bywyd a lleisiau amrywiol pobl ifanc.
Darganfod Mwy
Ein Strategaeth
Mae Strategaeth 2025-2030 yn nodi ein blaenoriaethau ar gyfer y pum mlynedd nesaf. Darllenwch am ein cynllun i gefnogi mwy o bobl ifanc yng Nghymru
Ein Hanes
Archwiliwch stori Youth Cymru trwy fwy na 90 mlynedd o waith ieuenctid a gwirfoddoli yng Nghymru.
Ein Pobl
Dewch i gwrdd â’n tîm anhygoel! O’n hymddiriedolwyr ymroddedig a’n harweinwyr ifanc ysbrydoledig i’n staff angerddol.
Archwiliwch ein Strategaeth
Darllenwch ein Strategaeth 2025–30 i weld sut rydym yn rhoi pobl ifanc wrth ganol ein gwaith, yn gyrru cyfleoedd newydd ac yn siapio dyfodol gwaith ieuenctid yng Nghymru. Darganfyddwch ein gweledigaeth ar gyfer y blynyddoedd i ddod — a ymunwch â ni i greu newid parhaol.