Canolfan Mileniwm Cymru
Ysgol Haf – Cymryd Drosodd y Ganolfan
Ydych chi erioed wedi meddwl tybed beth fyddai’n ei gymryd i redeg lle fel Canolfan Mileniwm Cymru, o groesawu ymwelwyr i weithredu fel sylw cwmnïau rhyngwladol?
Wel, dyma’ch cyfle; mae’r Ganolfan wedi cofrestru i gymryd rhan yn y fenter genedlaethol Plant mewn Amgueddfeydd/Theatrau ac maen nhw’n chwilio am bobl ifanc rhwng 13 a 19 oed i gymryd drosodd y Ganolfan ar 12 Tachwedd.
Gan ddechrau gydag ysgol haf pythefnos am ddim ym mis Awst, byddwch yn cael yr holl hyfforddiant a chefnogaeth y bydd eu hangen arnoch i ymgymryd â’ch rolau newydd. Bydd yr ysgol haf pythefnos am ddim yn digwydd ar 17-28 Awst a bydd yn cynnwys teithio a chynhaliaeth bwyd, yn cynnig cipolwg gan weithwyr proffesiynol y diwydiant ar sut i fod yn unrhyw beth o aelod o’r tîm technegol, y tîm marchnata i raglennydd a bydd yn cynnwys cyfleoedd cysgodi ymarferol.
Ar ôl yr ysgol haf pythefnos byddwch chi a’ch cyfoedion yn penderfynu ar sesiynau wythnosol i barhau i ddatblygu eich sgiliau a’ch gwybodaeth yn arwain at y diwrnod cymryd drosodd ddydd Mercher 12 Tachwedd.
Yn bwysicaf oll, mae’r cyfle cyfan yn rhad ac am ddim, y cyfan sydd angen i chi ei wneud yw llenwi ffurflen gais fer iawn, bod ar gael o ddydd Llun i ddydd Gwener rhwng 17-28 Awst a bod yn frwdfrydig ac ymroddedig.
Rôlau sydd ar Gael
Technegydd ar gyfer Llwyfan Cyhoeddus
Rheoli cyfryngau cymdeithasol y Ganolfan am y diwrnod
Y Wasg a Chysylltiadau Cyhoeddus
Rhaglenni ar gyfer y Llwyfan Cyhoeddus
Arweinydd Tîm Blaen y Tŷ
Swyddi yn ein hadran lletygarwch
http://www.wmc.org.uk/TakePart/SummerSchool